Pages

Monday, 30 September 2013

Inspirations from Reality

Duniya mey kai aise ajubey log, ghatnaayein, etc, hui hai jinhone apni khaasiyaton se logo ko apni aur aakarshit kiya hai aur aisa aage bhi hota rahega. Halaki, comics fiction hoti hai par unme bhi duniya ki kai baatein aur shakhshiyatein jhalakti hai. Jaise haal hi mai 'So jaa Doga' aur 'Wafa' series mey Nithari kaand aur ek celebrity wedding ki ghatnaaon ki jhalak nazar aayi. RC asal zindagi ki aisi ghatnaaon aur kirdaaro se prerit comics laati rahi hai. Jaise parallel governments ka mudda utthati 'Aadhe Insaan' ya Poorva V.V.I.P.s ki suraksha ko kendra mey rakh kar likhi gayi 'Turupchal'.
Kya aap log asal zindagi kay kuch logo se milte julte patro ko aur apni chhap chhod chuki ghatnaaon se prerit comics ko padhna chahte hai ? Agar haan to unn ghatnaaon aur logo kay baare mey likhiye. Wo log aur ghatnaayein kisi bhi time period ki ho sakti hai. 
Jaise mujhe lagta hai ki Bhopal gas kaand par ek umda T.H.S. Comics ban sakti hai. Saath hi hi mai Mira Baai, Swami Vivekanand, par aadharit side characters ko padhna pasand karunga.
Waise to comics kaalpanik hoti hai par unhe readers se joddne kay liye unme facts aur reality ko daala jaata hai. Ye practice Raj Comics kay liye bhi nayi nahi hai. Bahut pehle se hi RC apni kai comics mey fantasy aur reality ka shaandaar sangam deti aayi hai. 
Reality aur facts ka mukhya kaam writer ki imagination ko kadam kadam par support karna hota hai isliye reality ki zaroorat har kahani mey hoti hai par reality aur facts ka level kahani kay hisaab se badalta rehta hai. Kai comics mey asal ghatnao se inspired ya unhe covert karke kahaniyon ka roop diya jaata hai. Exceptions kay roop mey kabhi kabhi ghatnao waise ka waisa rakh diya jaata hai. 
Aajkal Nagar World Series (NWS), mey Nagraj jis bhi desh mey jaata hai wahan se juddi bahut si jaankariyan aur jagaho kay baare mey bataya jaata hai. Doga ki comics uski shuruat se hi kai baar samajik vishayo aur kaalpanik duniya ka adbhut sangam karti aayi hai. Baaki kirdaaro ki aisi comics beech beech mey aati rehti hai. Gamraj aur Fighter Toads kay zariye bhi samajik samasyaon par hasya vyang kiye jaate rahe hai. 

To kya aap iss reality level ko fantasy kay saath zyada dekhna pasand karte hai ya kum ?
*From series of articles originally posted on RC Forums between 2007-2009.

No comments:

Post a Comment