Monday 30 September 2013

Villian's Side?

RC aksar apni stories mey villains ki soch ko kaafi kum dikhati hai. Villains ki side ki bahut si baaton ko purani kahaniyon kay hisaab se dikhaya jaata hai. Jaise kuch villains ka apradh karte rehna par uske peeche koi logical reason na hona, Fights kay waqt often hero apne rival se 10-12 guna zyada sochta hua dikhaya jaata hai, etc. Aisa hamesha se hota aa raha hai. 

Villains kay bahut se overused, stereotype, dialogues ab bahut bachkane lagte hai. Jaise sabhi random villains ka trademark "Ha Ha Ha......", kisi hero ko maarne ya pakadne ki taiyari karne kay baad agar wo hero villain kay saamne aa jaaye to villain kehta hai...."Arre, Bheriya...tum yahan?"....jaise wo villain Bheriya ki jagah Gamraj ka aana expect kar raha tha. :lol: :lol: Mere kehne ka matlab hai ki aise dialogues aur baaton ka use hona chahiye par bahut zyada nahi. 

Kahani sirf hero nahi banata balki zyadatar kahaniyan villains kay kiye kaamo kay aas-paas ghoomti hai....to itney important kirdaaro ki aisi andekhi kyu? 
Main lead character hamesha achchha aur sachcha ho ye zaroori nahi hai. Kisi villain kay point of view se kahani aage badh sakti hai. Aisa videsho ki publications aur film industries karti aayi hai. 

Mujhe lagta hai 'Aghori' iss concept kay liye sahi rahega. 

Kya RC ko aisi series laani chahiye jisme story kisi villain ya galat kaam karne waale character ko mukhya role mey rakh kar likhi gayi ho?

Kya readers aise character(s) ko accept kar paayenge?
Pehle to gundey Hero kay vaaro par kuch aise thought balloons dete thay. 

"Ye haath hai ya hathoda". (Comic - Dynamite) 

Aise aur bhi examples hai.

So, RC please show every villain's thinking and dialogues properly.

No comments:

Post a Comment